രണ്ടു ദിവസത്തെ ഇന്ത്യാ സന്ദർശനത്തിനായി അമേരിക്കൻ പ്രസിഡന്റിനൊപ്പം ഭാര്യ മെലാനിയ ട്രംമ്പും മകൾ ഇവാങ്ക ട്രംമ്പും എത്തിയിരുന്നു. പലപ്പോഴും പല യാത്രകളിലും മെലാനിയയുടെയും ഇവാങ്കയുടെയും വസ്ത്രങ്ങൾ ചർച്ചയാകാറുണ്ട്. പതിവ് ഇത്തവണയും തെറ്റിച്ചില്ല. അഹമ്മദാബാദിൽ വന്നിറങ്ങിയ മെലാനിയ ട്രംമ്പിന്റെ വസ്ത്രമാണ് ഇപ്പോൾ ട്വിറ്ററാട്ടികൾ ഏറ്റെടുത്തിരിക്കുന്നത്.
'ഗോവക്ക് പോകൂ എന്നല്ല, അത് ഗോ ബാക്ക് വിളിക്കുന്നതാ'
വെള്ള ജമ്പ് സ്യൂട്ടിലാണ് മെലാനിയ ഇന്ത്യാ സന്ദർശനത്തിനെത്തിയത്. എന്നാൽ വെള്ള സ്യൂട്ടിന്റെ അരഭാഗത്ത് പച്ച നിറത്തിലുള്ള ഒരു അരപ്പട്ടയും കെട്ടിയിട്ടുണ്ട്. കരാട്ടെ ക്ലാസ്സുകളിൽ ഉപയോഗിക്കുന്നത് പോലോത്ത ഒരു തരം റിബ്ബണാണ് അര ഭാഗത്ത് കെട്ടിയിരിക്കുന്നത്. ട്വിറ്ററാട്ടികൾ ഇത് ഏറ്റെടുത്തിരിക്കുകയാണ്. കരാട്ടെ ക്ലാസ്സിൽ നിന്ന് നേരെ വന്നതാണോ, കരാട്ടെ ക്ലാസ്സിൽ ഉപയോഗിക്കുന്ന വസ്ത്രമാണോ മെലാനിയ ധരിച്ചിരിക്കുന്നത് തുടങ്ങിയ രസകരമായ ട്വീറ്റുകളാണ് ഇപ്പോൾ ട്രെൻഡാകുന്നത്. എന്നാൽ ഇത് അണ്ണാമലൈ സ്റ്റൈൽ അനുകരിക്കുന്നതാണ് എന്ന് വാദിക്കുന്നവരും ഉണ്ട്.