നാളെ ഏപ്രിൽ ഒന്ന് വിഡ്ഡിദിനം. ആളുകൾ പരസ്പരം പറ്റിക്കുന്ന ദിനം. എന്നാൽ കൊറോണ പടരുന്ന സാഹചര്യത്തിൽ ഇത്തരത്തിൽ യാതൊരു വിധ വിഡ്ഡിദിന പറ്റിക്കൽ പരിപാടികളും ഇല്ലെന്ന് ലോകം ഒന്നടങ്കം പറയുകയാണ്. ഇപ്പോൾ കേരള പൊലീസും ഇതിനെതിരെ രംഗത്തെത്തിയിരിക്കുകയാണ്.
വിഡ്ഡിദിനത്തിൽ വ്യാജ സന്ദേശങ്ങൾ പ്രചരിപ്പിക്കുകയോ കൊവിഡ് 19 നുമായി ബന്ധപ്പെട്ട് പരിഭ്രാന്തി പടർത്തുന്ന തരത്തിലുള്ള എന്തെങ്കിലും സന്ദേശങ്ങൾ പ്രചരിപ്പിക്കുയോ ചെയ്തവർക്കതിരെ കർശനമായ നടപടി എടുക്കും എന്നാണ് കേരളാ പൊലീസ് അറിയിച്ചിരിക്കുന്നത്.
'ആമിനത്താത്തേടെ പൊന്നുമോളാണ്' പാടി ട്രംപ്, കൈയടിച്ച് മോദി, പൊട്ടിച്ചിരിച്ച് സോഷ്യൽ മീഡിയ
എന്നാൽ ഈ നിർദ്ദേശത്തിനൊപ്പം പൊലീസ് തയ്യാറാക്കിയ ട്രോൾ വീഡിയോയാണ് ഇപ്പോൾ സമൂഹ മാധ്യമങ്ങൾ ഏറ്റെടുത്തിരിക്കുന്നത്. കരിക്ക് സീരിസിലെ ജോർജ്ജിന്റെ സീനുകൾ ഉപയോഗിച്ചാണ് വീഡിയോ ഉണ്ടാക്കിയിരിക്കുന്നത്. അടുത്തിറങ്ങിയ കരിക്ക് സീരിസിലെ അതിഥി തൊഴിലാളി മേസ്തിരി ബാബുവിന്റെ ഭാഗമാണ് ട്രോളിൽ ചിരിപ്പിക്കുന്നത്. വ്യാജ വീഡിയോ പ്രചരിപ്പിക്കരുതെന്നും പൊലീസ് പിടിക്കുമെന്നും രാജുവിനോട് പറയുന്ന രംഗമാണ് പൊലീസ് കട്ട് ചെയ്തെടുത്തിരിക്കുന്നത്. എന്തെങ്കിലും സംശയമുള്ളവർ കൊവിഡ് കൺട്രോൾ റൂമുമായി ബന്ധപ്പെടാനും പൊലീസ് വ്യക്തമാക്കുന്നുണ്ട്.