സ്കൂളിലേക്കോ കോളേജിലേക്കോ പോകാൻ സമയം വൈകിയ ദിവസം നിങ്ങൾ എന്താണ് ചെയ്യാറ്? ഭക്ഷണം കഴിക്കാതെ പെട്ടെന്ന് ഇറങ്ങിപ്പോകും. കോളേജിലെത്തിയാൽ കാന്റീനിൽ നിന്നോ മറ്റോ കഴിക്കും. എന്നാൽ ഇത്തരത്തിൽ ദിവസവും വൈകിയാൽ എന്ത് ചെയ്യും? ഭക്ഷണം പാത്രത്തിലാക്കി കൊണ്ടു പോകും അല്ലെ. പോകുന്ന വഴിക്ക് വിശന്നാലോ? പാത്രത്തിൽ നിന്ന് ഭക്ഷണമെടുത്ത് കഴിക്കും.
ഇന്ന് പല ഉദ്യോഗസ്ഥരും ഇത്തരത്തിൽ ചെയ്യാറാണ് പതിവ്. രാവിലെ എണീറ്റ് ഭക്ഷണം തയ്യാറാക്കിയ ശേഷം പാത്രത്തിലാക്കി കൊണ്ട് പോകും. വഴിയിൽ വെച്ചോ ട്രെയിനിൽ വെച്ചോ കാബിൽ വെച്ചോ കഴിക്കും. എല്ലാവരും തിരക്കിലാണല്ലോ. അത്തരത്തിലുള്ള ഒരു ചിത്രമാണ് ഇപ്പോൾ സമൂഹ മാധ്യമങ്ങളിൽ വൈറലാകുന്നത്. മെട്രോ ട്രെയിനിൽ വെച്ച് കേക്കിന് ക്രീം തേച്ച് പിടിപ്പിക്കുന്ന യുവതിയാണ് ചിത്രത്തിലുള്ളത്.