ഫാഷൻ ഷോ എന്ന് പറയുമ്പോൾ പലരും നെറ്റി ചുളിച്ചു കൊണ്ടിരുന്ന കാലം ഉണ്ടായിരുന്നു. എന്നാൽ ഇന്ന് ചിന്താഗതിയൊക്കെ പാടെ മാറിയിരിക്കുന്നു. ഇന്ന് പലരും മോഡലിംഗ് രംഗത്തേക്ക് കടന്നു വന്നു കൊണ്ടിരിക്കുകയാണ്. അത് കൊണ്ട് തന്നെ പല കമ്പനികളും തങ്ങളുടം ബ്രാൻഡ് ആളുകളിലേക്കെത്തിക്കാൻ ഫാഷൻ ഷോകളും മറ്റും നടത്താറും ഉണ്ട്.
ഫാഷൻ ഷോകളിൽ പലരും പുതുമയുള്ള വസ്ത്രധാരണയാണ് പരീക്ഷിക്കാറുള്ളത്. പലതരത്തിലുള്ള വസ്ത്ര ധാരണകളും പലപ്പോഴും വൈറലാകാറുണ്ട്. അത്തരത്തിലൊരു വസ്ത്ര ധാരണയാണ് ഇപ്പോൾ ട്വിറ്ററാട്ടികൾ ഏറ്റെടുത്തിരിക്കുന്നത്. മുംബൈയിൽ വെച്ച് നടന്ന ലാക്മി ഫാഷൻ വീക്കിൽ ഒരു മോഡൽ ധരിച്ച വസ്ത്രത്തെയാണ് ട്വിറ്ററാട്ടികൾ ട്രോളിക്കൊല്ലുന്നത്. വസ്ത്രധാരണ കണ്ടാൽ തികച്ചും വ്യത്യസ്തമാണ്. കട്ടിയുള്ള കിടക്ക കഴുത്തിലും ശരീരത്തിലും ചുറ്റിയിരിക്കുകയാണെന്നേ കണ്ടാൽ പറയൂ.
'അമിത് ഷാ പറയുന്നത് ഇന്ത്യയെ തൂക്കി വിൽക്കുന്ന കണക്കാണോ?
ബെംഗളൂരു മോഡലായ അർച്ചന അഖിൽ കുമാറാണ് ഈ വസ്ത്രം ധരിച്ച് റാമ്പിലെത്തിയത്. അനീത് അറോറയുടെ പെറോ ലേബലാണ് അർച്ചന ഉപയോഗിച്ചിരിക്കുന്നത്. ഇത് വസ്ത്രം തന്നെ ആണോ ടെ അതോ വീട്ടിൽ നിന്നും പെട്ടിയും കിടക്കയും തന്ന് പറഞ്ഞു വിട്ടതാണോ എന്നാണ് ട്വിറ്ററാട്ടികൾ ചോദിക്കുന്നത്. പലതരത്തിലുള്ള രസകരമായ ട്രോളുകളും വസ്ത്രധാരണത്തിനെതിരെ ട്രോളന്മാർ ഇറക്കിയിട്ടും ഉണ്ട്.