ഒരു പക്ഷെ ഭൂരിപക്ഷം ആൾക്കാരും എത്രയും വേഗം ഒന്ന് കഴിഞ്ഞിരുന്നെങ്കിൽ എന്ന് ആഗ്രഹിക്കുന്ന വർഷം ആയിരിക്കും 2020. പുത്തൻ പ്രതീക്ഷകളോടെയാണ് പലരും ഈ വർഷം ആരംഭിച്ചതെങ്കിലും കോവിഡ്-19 അഥവാ കൊറോണയുടെ വരവോടെ പ്രതീക്ക്ഷകൾ എല്ലാം തകിടം മറിഞ്ഞു. വീടുകളിൽ കഴിഞ്ഞു കൂടാൻ നിർബന്ധിതരായവർ, സ്വന്തം വീടുകളിലേക്ക് ഇതുവരെ തിരിച്ചെത്താൻ സാധിക്കാത്തവർ, ജോലി നഷ്ടപ്പെട്ടവർ, ബിസിനസ് പൂട്ടിപോകേണ്ടി വന്നവർ ഏറ്റവും പ്രധാനമായി സ്വന്തം ജീവൻ നഷ്ടപ്പെട്ടവർ, 2020 ഏറെപേർക്കും സമ്മാനിച്ചത് ദുരിതങ്ങളാണ്. എങ്കിലും ഒരു രാത്രിക്ക് ഒരു പകലുണ്ട് എന്ന വിശ്വാസത്തിൽ ജനങ്ങൾ മുന്നോട്ട് പോവുകയാണ്. അടുത്ത വർഷമാവുമ്പോഴേക്കും കൊറോണ ഭീഷണി മാറുമെന്നും ജീവിതം പഴയപടിയാവും എന്നും നമ്മിൽ പലരും സ്വപ്നം കാണുന്നു.
ഈ സ്വപ്നം യാഥാർഥ്യമാകും എന്ന് പ്രത്യാശ നൽകുന്ന ഒരു ചിത്രമാണ് ഇപ്പോൾ സമൂഹ മാധ്യമങ്ങളിൽ ശ്രദ്ധ നേടുന്നത്. യുഎഇയിൽ പ്രവർത്തിക്കുന്ന ഗൈനക്കോളജിസ്റ്റായ സമീർ ചെയ്യ്ബ് ആണ് താൻ പ്രസവ ശുശ്രുഷ ചെയ്ത ഒരു നവജാത ശിശുവിന്റെ ഫോട്ടോ ഇൻസ്റ്റാഗ്രാമിൽ പോസ്റ്റ് ചെയ്തത്. അസ്വാഭാവികമായി ഒന്നും തന്നെ ചിത്രത്തിൽ ഇല്ല എങ്കിലും ജനിച്ചു വീണ ബാലൻ ആദ്യം തന്നെ കയറി പിടിച്ചത് ഡോക്ടറുടെ മാസ്കിലാണ്. മുറുകെപ്പിച്ച മാസ്കിൽ പിഞ്ചുബാലൻ പിടിവിടാതെ നിന്നതോടെ ചിരിക്കുന്ന സമീർ ഡോക്ടറുടെ മുഖം ചിത്രത്തിൽ കാണാം
ജോലി ചീഫ് ന്യൂഡിൽസ് ഓഫീസർ, പ്രതിഫലം 7.3 ലക്ഷം രൂപ
"നമുക്കെല്ലാം ഈ നിമിഷം ആവശ്യമുള്ള, മാസ്ക് ഇല്ലാതെ ഇനി എപ്പോൾ സ്വാതന്ത്ര്യത്തോടെ ജീവിക്കാം എന്നതിന്റെ സൂചനയാണിത്" എന്ന തലക്കെട്ടോടെ സമീർ പോസ്റ്റ് ചെയ്ത ഫോട്ടോ നിമിഷങ്ങൾക്കകം വൈറൽ ആയി. 42,000-ൽ അധികം ലൈക് നേടി കൊറോണ കാലം നീങ്ങുന്നത് കാത്തിരിക്കുന്നവർക്ക് പ്രത്യാശയുടെ പൊൻകിരണം നൽകുകയാണ് ഈ ചിത്രം.
ഒരു ബർഗർ കഴിച്ചതാ, ഇങ്ങനൊരു എട്ടിന്റെ പണി പ്രതീക്ഷിച്ചില്ല
ഇൻസ്റ്റഗ്രാമിൽ ഒരു ഉപഭോക്താവിന്റെ അഭിപ്രായത്തിൽ ഈ ചിത്രം ഈ വർഷത്തെ ഏറ്റവും മികച്ച ചിത്രമാണ്. "ഒരു ദിവസം അത് സംഭവിക്കും, മാസ്ക് നമ്മുടെ മുഖത്ത് നിന്ന് നീങ്ങുകയും നമ്മൾ ഡോക്ടറെപ്പോലെ പുഞ്ചിരിക്കുകയും ചെയ്യും," മറ്റൊരു ഇൻസ്റ്റാഗ്രാം ഉപഭോക്താവ് കുറിച്ചു.