'എന്തിനാടോ എന്നെ അമ്മേടെ വയറ്റിൽ നിന്ന് പുറത്തെടുത്തേ?'
സുഖമായി അമ്മയുടെ വയറ്റിൽ കഴിഞ്ഞിരുന്ന എന്നെ എന്തിനാ ഡോക്ടറെ പുറത്തെടുത്തത് എന്ന തരത്തിൽ രൂക്ഷമായി നോക്കുന്ന ഒരു കുട്ടിയുടെ ചിത്രമാണ് ഇപ്പോൾ വൈറലാകുന്നത്. സംഭവം അങ്ങ് ബ്രസീലിലാണ്.
എന്തിനാ ഡോക്ടറെ എന്നെ പുറത്തെടുത്തേ
സുഖമായി അമ്മയുടെ വയറ്റിൽ കഴിഞ്ഞിരുന്ന എന്നെ എന്തിനാ ഡോക്ടറെ പുറത്തെടുത്തത് എന്ന തരത്തിൽ രൂക്ഷമായി നോക്കുന്ന ഒരു കുട്ടിയുടെ ചിത്രമാണ് ഇപ്പോൾ വൈറലാകുന്നത്. പിറന്ന ഉടനെയുള്ള കുട്ടിയുടെ ഈ മുഖഭാവം സോഷ്യൽ മീഡിയയിൽ വൈറലാകാൻ അധികം സമയമൊന്നും വേണ്ടി വന്നില്ല. കണ്ടവർ കണ്ടവർ ചിത്രം പങ്കുവെക്കാനും തുടങ്ങി.
Image credit: Rodrigo Kunstmann Fotógrafo Profissional
ലോകത്തിലെ ഏറ്റവും വലിയ ശിവലിംഗം കേരളത്തിലാണെന്ന് പറഞ്ഞാ വിശ്വസിക്കോ?
ആരാണ് കുട്ടി?
ബ്രസീലിലെ റിയോ ഡി ജെനീറിയോയിൽ നിന്നുള്ള ഒരു ആശുപത്രിയിൽ നിന്നുള്ള ചിത്രമാണ് ഇത്. ഫെബ്രുവരി 13നായിരുന്നു ഒരു യുവതി പെൺകുഞ്ഞിന് ജന്മം നൽകിയത്. കുട്ടി ജനിച്ചയുടനെ കരയിപ്പിക്കാൻ വേണ്ടി ആശുപത്രി അധികൃതർ ശ്രമിക്കുകയായിരുന്നു. എന്നാൽ കുട്ടി കരയാൻ കൂട്ടാക്കിയില്ല എന്ന് മാത്രമല്ല രൂക്ഷമായി അവരെ നോക്കുകയും ചെയ്തു. ഈ ദൃശ്യം പകർത്തുകയായിരുന്നു.
ഫോട്ടോ പകർത്തിയത്
റോഡ്രിഗോ കുൻസ്റ്റമാൻ എന്ന പ്രൊഫഷണൽ ഫോട്ടോഗ്രാഫറാണ് ഇത് പകർത്തിയത്. കുട്ടിയുടെ അമ്മ ഡയാന ഡി ജീസസ് ബാർബോസ നേരത്തെ തന്നെ തന്റെ ജീവിതത്തിലെ ഏറ്റവും നല്ല മുഹൂർത്തങ്ങളിൽ ഒന്നായ പ്രസവ ദൃശ്യങ്ങൾ പകർത്താൻ വേണ്ടി ഒരു ഫോട്ടോഗ്രാഫറെ നിയമിക്കുകയായിരുന്നു. അദ്ദേഹം തന്നെയാണ് ചിത്രങ്ങൾ ഫേസ്ബുക്കിൽ പങ്കുവെച്ചത്. കുട്ടിയുടെ കുടുംബാഗങ്ങളുടെ ചിത്രങ്ങളും ഫേസ്ബുക്കിൽ പങ്കുവെച്ചിട്ടുണ്ട്.
ക്രൈ ഇസാ ക്രൈ...
കുട്ടി ജനിച്ച ഉടനെ തന്നെ ഡോക്ടർമാർ കുട്ടിയെ കരയിപ്പിക്കാൻ നടത്തിയ എല്ലാ ശ്രമങ്ങളും പാഴായിരുന്നു. ആ സമയത്താണ് രൂക്ഷമായി ഡോക്ടർമാരെ നോക്കുന്ന കുട്ടിയുടെ ചിത്രം ഫോട്ടോഗ്രാഫർ പകർത്തുന്നത്. എന്നാൽ കുറച്ചു കഴിഞ്ഞ ശേഷം പൊക്കിൾ കൊടി മുറിച്ച് കഴിഞ്ഞ ശേഷം കുട്ടി കരഞ്ഞുവെന്നാണ് റിപ്പോർട്ട്.
'തെളി മലയാളം': ലേൺ മലയാളം വിത്ത് എലിക്കുട്ടി
കുട്ടിയും അമ്മയും
ചിത്രങ്ങൾ സോഷ്യൽ മീഡിയയിൽ പോസ്റ്റ് ചെയ്തതോടെ ആളുകൾ ഏറ്റെടുത്തിരിക്കുകയാണ്. വളരെ പെട്ടെന്നാണ് പിറന്ന ഉടനെയുള്ള കുട്ടിയുടെ രൂക്ഷ നോട്ടത്തിന് ആരാധകരുണ്ടായത്. പ്രസവ ശേഷം കുട്ടിയും അമ്മയും സുഖമായിരിക്കുന്നു. എന്തായാലും തന്റെ ജീവിതത്തിലെ നല്ല നിമിഷങ്ങളെ പകർത്താൻ അമ്മ ബർബോസ ഫോട്ടോഗ്രാഫറെ നിയമിച്ചത് വെറുതെ ആയില്ല എന്ന് വേണം കരുതാൻ.
Image credit: Rodrigo Kunstmann Fotógrafo Profissional