ഇന്ത്യൻ സിനിമയിൽ പുതിയ ഓളം സൃഷ്ടിച്ച സിനിമകളിൽ ഒന്നാണ് ബാഹുബലി. രാജമൗലി സംവിധാനം ചെയ്ത ചിത്രം കോടിക്കിലുക്കവുമായാണ് ബോക്സോഫീസ് വിട്ടത്. ഇപ്പോഴും ബാഹുബലിയും റാണാ ദഗുബട്ടിയും ദേവസേനയും ഓരോരുത്തരുടെയും മനസ്സിലുണ്ട് എന്ന് വേണെങ്കിൽ പറയാം.
എന്നാൽ ഇപ്പോൾ ട്രംപ് വരെ ഏറ്റെടുത്തിരിക്കുകയാണ് ബാഹുബലിയെ, അല്ല 'ട്രംപ്ബലിയെ'. ട്വിറ്ററിൽ വൈറലാകുന്ന ഒരു ട്രോൾ വീഡിയോയാണ് ട്രംപ് റീട്വീറ്റ് ചെയ്തിരിക്കുന്നത്. വളരെ രസകരമായിട്ടാണ് ട്രോൾ ഒരുക്കിയിരിക്കുന്നത്. @Solmemes1 എന്ന് ട്വിറ്റർ ഹാൻഡിലിൽ നിന്നാണ് വീഡിയോ ട്വീറ്റ് ചെയ്തിരിക്കുന്നത്. തേര് തെളിക്കുന്ന ട്രംപും തേരിലിരിക്കുന്ന ട്രംപിന്റെ ഭാര്യയെയുമാണ് ദൃശ്യങ്ങളിൽ കാണുന്നത്. എല്ലാ ശത്രുക്കളെയും ഇല്ലാതാക്കി ഇന്ത്യൻ സന്ദർശിനായെത്തുന്ന ട്രംപാണ് വീഡിയോയിലുള്ളത്. എന്നാൽ വീഡിയോയിലെ ഞെട്ടിക്കുന്ന വസ്തുത എന്താണെന്ന് വെച്ചാൽ ട്രംപിനെയും ഭാര്യയെയും സ്വീകരിക്കുന്നതാകട്ടെ പ്രധാനമന്ത്രി മോദിയും മോദിയുടെ ഭാര്യ യശോദ ബെന്നുമാണ്.