എല്ലാവരുടെയും ഉള്ളിൽ ഒരു കലാഹൃദയമുണ്ടാകും. പലപ്പോഴും പല ജോലിത്തിരക്കുകളഉം മറ്റും കാരണം കൊണ്ട് തങ്ങളുടെ ഉള്ളിലുള്ള കലകളെ കുഴിച്ചു മൂടാൻ വിധിക്കപ്പെട്ടവർ. ചിലർ ജോലിയുടെ സ്വഭാവമനുസരിച്ച് സർഗ്ഗവാസനകൾ ഒപ്പം കൂട്ടുമെങ്കിലും പലരും ജോലിത്തരക്ക് കാരണം തങ്ങളുടെ കഴിവുകളെ മൂടിവെക്കാറാണ് പതിവ്. അത്തരത്തിൽ ഒരു വിഭാഗം ഉദ്യോഗസ്ഥരായിരുന്നു പൊലീസുകാർ. നാടിന് കാവൽ നിൽക്കുന്നതിനിടയിൽ തങ്ങളുടെ കഴിവുകൾ പ്രകടിപ്പിക്കാൻ ഇത്തരത്തിലുള്ളവർക്ക് മുമ്പൊന്നും വേദികൾ ലഭിച്ചിരുന്നില്ല. എന്നാൽ ഇപ്പോൾ പല മാറ്റങ്ങളും അതിന് വന്നിട്ടുണ്ട് എന്നത് സത്യമാണ്. സമൂഹ മാധ്യമങ്ങളുടെ കടന്നു വരവാണ് ഇതിന് ഏറെ സഹായിച്ചത് എന്ന് വേണമെങ്കിൽ പറയാം.
ആട്ടയും 15000 രൂപയും കൊടുത്തത് ആമിർ ഖാൻ തന്നെയാണോ? താരം പറയുന്നത് ഇങ്ങനെ...
കാക്കിക്കുള്ളിലെ കലാഹൃദയം എന്ന വിശേഷണത്തിന് അനുയോജ്യരായ പലരും ഇപ്പോൾ സോഷ്യൽ മീഡിയകളിൽ വൈറലാകുകയാണ്. ഇപ്പോൾ കേരള പോലീസിന്റെ ഓർക്കസ്ട്രാ യൂണിറ്റ് ഹെഡ് ആയ കണ്ണൂർ സ്വദേശി ജോസഫ് കെ.എ എന്ന പോലീസ് ഉദ്യോഗസ്ഥനാണ് കലാവൈദഗ്ദ്യം കൊണ്ട് സോഷ്യൽ മീഡിയയിൽ ശ്രദ്ധിക്കപ്പെടുന്നത്.
വയലിനിൽ മാന്ത്രികത തീർക്കുകയാണ് ജോസഫ്. നക്ഷത്ര ദീപങ്ങൾ തിളങ്ങി എന്ന പ്രസിദ്ധ മലയാള ചലച്ചിത്ര ഗാനമാണ് വയലിനിൽ വായിക്കുന്നത്. മറ്റു വാദ്യോപകരണങ്ങളുടെ സഹായവുമുണ്ട്. നിരവധി പേരാണ് വീഡിയോ ഏറ്റെടുത്തിരിക്കുന്നത്.