ഇന്ത്യ പാകിസ്താൻ വിഭജനത്തിന് ശേഷം രണ്ടു ധ്രുവങ്ങളിലേക്ക് മാറാൻ നിർബന്ധിതരായ പലരും ഉണ്ട്. പലപ്പോഴും പരസ്പരം കണ്ടു മുട്ടാൻ പോലും പലർക്കും സാധിക്കാറില്ല. എന്നാൽ വർഷങ്ങൾക്ക് ശേഷം വീണ്ടും കണ്ടുമുട്ടിയ രണ്ടു സ്ത്രീകളുടെ സ്നേഹ പ്രകടനമാണ് ഇപ്പോൾ സമൂഹ മാധ്യമങ്ങളിൽ വൈറലാകുന്നത്. ചെറുപ്രായത്തിൽ തന്നെ രണ്ടു അതിർക്കുള്ളിലാക്കപ്പെട്ടവർ. ഇപ്പോൾ അവർ പരസ്പരം കണ്ടുമുട്ടുമ്പോൾ രണ്ടുപേർക്കും വയസ്സായിരിക്കുന്നു.
ശിറാസ് ഹസ്സൻ എന്ന ട്വിറ്റർ ഹാൻഡിലിൽ നിന്ന് പങ്കുവെച്ച വീഡിയോ ഇപ്പോൾ സോഷ്യൽ മീഡിയയെ കണ്ണീരണിയിക്കുകയാണ്. രണ്ടുപേരും കാലങ്ങൾക്ക് ശേഷം കണ്ടുമുട്ടുമ്പോൾ പരസ്പരം കെട്ടിപ്പിടിച്ച് കരയുന്ന ദൃശ്യങ്ങളാണ് വീഡിയോയിലുള്ളത്. കർതാപൂർ സാഹെബിൽ നിന്നുള്ള ദൃശ്യങ്ങളാണ് ഇത് എന്നും ട്വിറ്ററിൽ കുറിച്ചിട്ടുണ്ട്. വളരെ പെട്ടെന്ന് തന്നെ ഈ വീഡിയോ സോഷ്യൽ മീഡിയ ഏറ്റെടുക്കുകയും ചെയ്തിട്ടുണ്ട്.