കേരളത്തിലെ കാറ്റിനൊക്കെ ഇതെന്ത് പറ്റി?

ഒരു ചുഴലിക്കാറ്റിന്റെ വീഡിയോയാണ് ഇപ്പോൾ സമൂഹ മാധ്യമങ്ങളിൽ വൈറലാകുന്നത്. പൊടി പടർത്തിക്കൊണ്ട് സ്കൂൾ ഗ്രൌണ്ടിനെ വലയം വെക്കുന്ന ചുഴലിക്കാറ്റാണ് വീഡിയോ ദൃശ്യങ്ങളിൽ കാണുന്നത്. കണ്ണൂരിൽ നിന്നുള്ള വീഡിയോ എന്ന് വ്യക്തമാക്കിക്കൊണ്ടാണ് ഇത് ട്വിറ്ററിൽ ട്വീറ്റ് ചെയ്തിരിക്കുന്നത്. കണ്ണൂർ സെന്റ് മൈക്കിൾസ് സ്കൂളിന് മുന്നിൽ കണ്ടത് എന്ന അടിക്കുറിപ്പോടെ പങ്കുവെച്ചിരിക്കുന്ന വീഡിയോ നിരവധി പേർ റീട്വീറ്റ് ചെയ്യുന്നുണ്ട്.
വളരെ രസകരമായ കമന്റുകളും ഈ വീഡിയോയ്ക്ക് താഴെ വരുന്നുണ്ട്. നേരത്തെ ചങ്ങനാശേരി എസ്‍ബി കോളേജ് ഗ്രൌണ്ടിലും ഇത്തരത്തിലൊരു ചുഴലിക്കാറ്റ് വീശിയിരുന്നു. ഇതും സമൂഹ മാധ്യമങ്ങളിൽ വൈറലായിരുന്നു. എന്നാൽ കേരളത്തിലെ കാറ്റുകളൊക്കെ ടൊർണാഡോയ്ക്ക് പഠിക്കുകയാണോ എന്നാണ് സോഷ്യൽ മീഡിയ ചോദിക്കുന്നത്.