ഓമനിച്ചു വളർത്തുന്ന പാമ്പിന് സ്പൂണിൽ വെള്ളം കൊടുത്താൽ
സ്വന്തമായി ഇൻസ്റ്റാഗ്രാം പേജുള്ള ലോക്കിക്ക് പതിനായിരത്തിലേറെ ഫോളോവേഴ്സുണ്ട്.
Samayam Malayalam 22 Jun 2020, 8:35 pm
ഓമനിച്ചു വളർത്തുന്ന മൃഗങ്ങളെ പരിപാലിക്കാനും അവയോടൊപ്പം സമയം ചിലവിടാനും ഏറെക്കുറെ എല്ലാവർക്കും ഇഷ്ടം ആയിരിക്കും. അതെ സമയം ഓമനിച്ചു വളർത്തുന്ന മൃഗം പാമ്പാണെങ്കിലോ? ഇന്ത്യയിൽ സാധാരണമല്ലെങ്കിലും പല പാശ്ചാത്യ രാജ്യങ്ങളിലും പൂച്ചയേയും പട്ടിയെയും ഓമനിച്ചു വളർത്തുന്നതുപോലെ തന്നെ പാമ്പിനെയും വളർത്താം. ഇതുപോലൊരു പ്രശസ്തനായ പാമ്പാണ് ലോക്കി. വെസ്റ്റേൺ ഹോഗ്നോസ് ഇനത്തിൽ പെട്ട ഈ കുഞ്ഞൻ പമ്പ ചില്ലറക്കാരൻ ഒന്നുമല്ല. സ്വന്തമായി ഇൻസ്റ്റാഗ്രാം പേജുള്ള കക്ഷിക്ക് പതിനായിരത്തിലേറെ ഫോളോവേഴ്സുണ്ട്.
ലോക്കിയുടെ ഒരു വീഡിയോ ആണ് ഇപ്പോൾ സമൂഹ മാധ്യമങ്ങളിൽ വൈറൽ. വെള്ളം കുടിക്കുകയാണ് ഈ വിഡിയോയിൽ ലോക്കി. അതിലിപ്പോ എന്താ ഇത്ര പ്രത്യേകത? യൂട്യൂബിൽ ഒരു 100 പാമ്പ് വെള്ളം കുടിക്കുന്ന വിഡിയോകൾ ഉണ്ടല്ലോ എന്ന് ചിന്തിക്കുന്നവരോട് ഒരു കാര്യം. സ്പൂണിൽ നിന്നാണ് ലോക്കി വെള്ളം കുടിക്കുന്നത്. വളരെ ശാന്തനായി സമയമെടുത്തുള്ള ലോക്കിയുടെ വെള്ളം കുടി ചിലർക്ക് ഓമനത്തം തുളുമ്പുന്നതെങ്കിൽ വീഡിയോ കണ്ട ചിലർക്ക് പേടിപ്പെടുത്തുന്നതാണ്.
17 അടി നീളമുള്ള പെരുമ്പാമ്പിനെ പിടിച്ച് അമേരിക്കൻ 'വാവ സുരേഷ്'
എന്തുകൊണ്ട് ലോക്കി സ്പൂണിൽ നിന്നും വെള്ളം കുടിച്ചു?
ചിലർക്കെങ്കിലും ശ്രദ്ധ പിടിച്ചുപറ്റാൻ മാത്രമാണോ ലോക്കിയെക്കൊണ്ട് സ്പൂണിൽ നിന്നും വെള്ളം കുടിപ്പിച്ചത് എന്ന സംശയം ഉണ്ടായി. ചിലർ ഉടമയോട് അത് ചോദിക്കുകയും ചെയ്തു. പടം പൊഴിക്കാൻ തയ്യാറായി നില്കുന്നതുകൊണ്ട് ലോക്കി കുറച്ചു ദിവസമായി അസ്വസ്ഥൻ ആണത്രേ. മാത്രമല്ല അതിനു മുൻപായി കാഴ്ചശക്തിയും ഒരൽപം കുറയും. ഇതാണ് ഒരു കുട്ടിയെപ്പോലെ ലോക്കിയെ പരിപാലിക്കാൻ തന്നെ നിർബന്ധിതനാക്കിയത് എന്ന് ഉടമ വ്യക്തമാക്കുന്നു.
മാനിനെ രക്ഷിച്ചു! പക്ഷെ പെരുമ്പാമ്പിനോട് ചെയ്തത് ശെരിയോ? നിങ്ങൾ പറയൂ...
ലോക്കി വെള്ളം കുടിക്കുന്ന വീഡിയോ ആണ് ഇപ്പോൾ വൈറൽ ആയിരിക്കുന്നത് എങ്കിലും 'ലോക്കി ദി സ്നേയ്ക്ക്' എന്ന ഇൻസ്റ്റാഗ്രാം പേജ് മുഴുവൻ ലോക്കിയുടെ ചിത്രങ്ങളാണ്. ലോക്കിക്കായി ഒരു പ്രത്യേക ആവാസ വ്യവസ്ഥതന്നെ തന്റെ വീട്ടിൽ ഉടമ ഒരുക്കിയിട്ടുണ്ട്. മാത്രമല്ല ഉടമയുടെ ലാപ്ടോപ്പിനടിയിലും, ബെഡ്ഷീറ്റിനകത്തുമെല്ലാം ലോക്കി ഒളിച്ചിരിക്കുന്ന ചിത്രങ്ങളുമുണ്ട്. ഇത്തിരിക്കുഞ്ഞൻ ലോക്കിയുടെ ചിത്രങ്ങൾ കാണാം.