നാട്ടിൽ പുറങ്ങളിൽ അത്ര പരിചിതമല്ല എങ്കിലും പട്ടണങ്ങളിലെ വീടുകളിൽ പലപ്പോഴും വ്യായാമത്തിനായി ഇടം പിടിക്കുന്ന ഒന്നാണ് ട്രെഡ് മിൽ. ദിവസവും ഓടി വ്യായാമം ചെയ്യാൻ വാങ്ങുന്ന ഒന്നാണെങ്കിലും പലപ്പോഴും വീട്ടിലെ ഒരു മൂലയിൽ വസ്ത്രം ഉണക്കാനിടാനുള്ള ഒരു ഉപകരണമായി ഇത് മാറാറുണ്ട് എന്നത് മറ്റൊരു കാര്യം. ട്രെഡ് മില്ലുകൾ കറണ്ട് ഉപയോഗിച്ച് പ്രവർത്തിക്കുന്നവയാണ്. കറണ്ട് ഉപയോഗിക്കാത്ത ട്രെഡ് മില്ലുകൾ വിരളമാണ്. എന്നാൽ കറണ്ട് ഉപയോഗിക്കേണ്ട എന്ന് മാത്രമല്ല പരിസ്ഥിതി സൗഹാർദ്ദമായ മരം ഉപയോഗിച്ച് ട്രെഡ് മിൽ തയ്യാറാക്കിയിരിക്കയാണ് തെലങ്കാനയിൽ നിന്നുള്ള ഒരാൾ. തെലങ്കാന വ്യവസായ വാണിജ്യ മന്ത്രി കെ ടി രാമറാവുവിന്റെ ശ്രദ്ധയിലും ഈ മരത്തിന്റെ ട്രെഡ് മിൽ പെട്ടു. മരം കൊണ്ടുള്ള ട്രെഡ് മില്ലിന്റെ സർഗാത്മകതയിൽ ആകൃഷ്ടനായ മന്ത്രി, ഐടി ആൻഡ് സി ഡിപ്പാർട്ട്മെന്റിന്റെ പ്രോട്ടോടൈപ്പിംഗ് സെന്ററായ ടി-വർക്ക്സ് ടാഗ്ചെയ്യുന്ന വീഡിയോ റീട്വീറ്റ് ചെയ്തു.
45 സെക്കൻഡ് ദൈർഘ്യമുള്ള വൈറലായ വീഡിയോയുടെ ആദ്യ പകുതിയിൽ, മധ്യവയസ്കൻ എന്ന് തോന്നിക്കുന്ന വ്യക്തി മരപ്പലകകൾ അടുക്കുന്നതും ബോൾ ബെയറിങ്ങുകൾ ക്രമീകരിക്കുന്നതും കാണാം. പിന്നീട് മരപ്പലകൾ അടുക്കി ക്രമീകരിക്കുകയും, ഒരു വലിയ പലകയിൽ ബോൾ ബെയറിങ്ങുകൾ നിരനിരയായി സ്ഥാപിക്കുന്നതും കാണാം. ഇവയെല്ലാം കൂട്ടിച്ചേത്ത് ട്രെഡ് മിൽ തയ്യാറാക്കിയതും അതിനു മുകളിലായി ഈ വ്യക്തി നടക്കുന്നതുമാണ് അടുത്ത ഭാഗം. യഥാർത്ഥ ട്രെഡ് മില്ലിന് സമാനമായി പിടിച്ചു നിൽക്കാൻ സ്റ്റാൻഡും മരത്തിന്റെ ട്രെഡ് മില്ലിൽ ക്രമീകരിച്ചിട്ടുണ്ട്.
ഈ തടിയുടെ ട്രെഡ് മിൽ കൂടുതൽ ഉത്പാദിപ്പിക്കാൻ സഹായിക്കുന്നതിനായി ഡിസൈനറെ ബന്ധപ്പെടാൻ ടി-വർക്കിനോട് കെ ടി രാമറാവു നിർദേശം നൽകിയിട്ടുണ്ട്. മഹീന്ദ്ര & മഹീന്ദ്ര ചെയർമാൻ ആനന്ദ് മഹീന്ദ്രയും വീഡിയോ റീട്വീറ്റ് ചെയ്യുകയും ഇത് തയ്യാറാക്കിയ വ്യക്തിയെ അനുമോദിക്കുകയും ചെയ്തിട്ടുണ്ട്.
45 സെക്കൻഡ് ദൈർഘ്യമുള്ള വൈറലായ വീഡിയോയുടെ ആദ്യ പകുതിയിൽ, മധ്യവയസ്കൻ എന്ന് തോന്നിക്കുന്ന വ്യക്തി മരപ്പലകകൾ അടുക്കുന്നതും ബോൾ ബെയറിങ്ങുകൾ ക്രമീകരിക്കുന്നതും കാണാം. പിന്നീട് മരപ്പലകൾ അടുക്കി ക്രമീകരിക്കുകയും, ഒരു വലിയ പലകയിൽ ബോൾ ബെയറിങ്ങുകൾ നിരനിരയായി സ്ഥാപിക്കുന്നതും കാണാം. ഇവയെല്ലാം കൂട്ടിച്ചേത്ത് ട്രെഡ് മിൽ തയ്യാറാക്കിയതും അതിനു മുകളിലായി ഈ വ്യക്തി നടക്കുന്നതുമാണ് അടുത്ത ഭാഗം. യഥാർത്ഥ ട്രെഡ് മില്ലിന് സമാനമായി പിടിച്ചു നിൽക്കാൻ സ്റ്റാൻഡും മരത്തിന്റെ ട്രെഡ് മില്ലിൽ ക്രമീകരിച്ചിട്ടുണ്ട്.
ഈ തടിയുടെ ട്രെഡ് മിൽ കൂടുതൽ ഉത്പാദിപ്പിക്കാൻ സഹായിക്കുന്നതിനായി ഡിസൈനറെ ബന്ധപ്പെടാൻ ടി-വർക്കിനോട് കെ ടി രാമറാവു നിർദേശം നൽകിയിട്ടുണ്ട്. മഹീന്ദ്ര & മഹീന്ദ്ര ചെയർമാൻ ആനന്ദ് മഹീന്ദ്രയും വീഡിയോ റീട്വീറ്റ് ചെയ്യുകയും ഇത് തയ്യാറാക്കിയ വ്യക്തിയെ അനുമോദിക്കുകയും ചെയ്തിട്ടുണ്ട്.