മൂട്ട കടിച്ചു, ഹോട്ടലിനെതിരെ കേസുമായി മോഡല്‍

വാഷിംഗ്‌ടണ്‍: ഉറങ്ങുമ്പോള്‍ തന്നെ മൂട്ട കടിച്ചെന്ന ആരോപണവുമായി ഹോട്ടലിനെതിരെ കേസ് നല്‍കി വിക്ടോറിയാസ് സീക്രട്ട് മോഡല്‍

സബ്രീന ജെയ്ല്‍സ് സെന്റ്‌ പിയറി എന്ന മോഡല്‍ ആണ് ഇത്തരത്തിലൊരു വിചിത്രമായ ആരോപണവുമായി മുന്നോട്ടു വന്നിരിക്കുന്നത്. കാലിഫോര്‍ണിയയിലെ പാം ഡിസര്‍ട്ട് എംബസി സ്യൂട്സ് ഹോട്ടലില്‍ ആയിരുന്നു ഇവര്‍ താമസിച്ചത്. മൂട്ട കടിച്ചതോടെ തന്‍റെ കരിയറില്‍ വലിയ പ്രശ്നം സംഭവിച്ചു എന്നാണ് സബ്രീനയുടെ ആരോപണം.

മോഡലിംഗ് ചെയ്യാനുള്ള സബ്രീനയുടെ കഴിവിനെ ഈ സംഭവം ദോഷകരമായി ബാധിച്ചെന്നും മാനസികമായി അവര്‍ ഏറെ തളര്‍ന്നു പോയെന്നും അവരുടെ അഭിഭാഷകന്‍ കോടതിയില്‍ വാദിച്ചു

മോഡലിംഗ് ചെയ്യാനായി എത്തിയതായിരുന്നു ഈ ഹോട്ടലില്‍ സബ്രീന. മൂട്ട കടിച്ച പാട് ദിനംപ്രതി കൂടുതല്‍ മോശം അവസ്ഥയായിക്കൊണ്ടിരിക്കുകയാണെന്ന് അഭിഭാഷകനായ വിരാഗ് പറഞ്ഞു

ടോമി ഹില്‍ഫയര്‍, വിക്ടോറിയാസ് സീക്രട്ട് പോലെയുള്ള വന്‍കിട കമ്പനികളുടെ മോഡല്‍ ആണ് സബ്രീന. മൂട്ട കടിച്ച് ശരീരത്തില്‍ ഉണ്ടായ പാടുകള്‍ ഇവര്‍ ഓണ്‍ലൈനില്‍ പോസ്റ്റ്‌ ചെയ്തിരുന്നു