ഈ അച്ഛനും മോളും മാസ്സാണ്: ഡബ്സ്മാഷ് വീഡിയോ വൈറലാകുന്നു

താരങ്ങളുടെയും ആരാധകരുടെയും ഒക്കെ പലവിധത്തിലുമുള്ള അനുകരണ-ഡബ്സ്മാഷ് വീഡിയോകള്‍ തരംഗമാകാറുണ്ട്. താരപുത്രികളും പുത്രന്മാരും ഒക്കെ ചെയ്ത ഡബ്സ്മാഷ് വീഡിയോകൾ സോഷ്യൽ മീഡിയയിൽ വൈറലായിരുന്നു. നടൻ ദിലീപിന്‍റെ മകൾ മീനാക്ഷിയുടെയും നടൻ ജയസൂര്യയുടെ മകൻ ആദിയും ഒക്കെ ചെയ്ത ഡബ്സ്മാഷ് വീഡിയോകൾ അടുത്തിടെ വൈറലായിരുന്നു.



സിനിമാ സീരിയൽ താരം ഷാജു ശ്രീധറും മകൾ നന്ദുവും കൂടി ചെയ്ത അനുകരണ വീഡിയോ ആണ് ഇപ്പോൾ വൈറലാകുന്നത്. പഴയകാല നടി ചാന്ദ്നയാണ് ഷാജുവിൻ്റെ ഭാര്യ. ഷാജു തന്നെയാണ് വീഡിയോ പുറത്ത് വിട്ടിരിക്കുന്നത്. തുടര്‍ന്ന് പല പ്രൊമോഷൻ ഫേസ്ബുക്ക് പേജുകളിലും വീഡിയോ പ്രത്യക്ഷപ്പെട്ടു. ഒട്ടേറെ പേരാണ് വീഡിയോ ലൈക്ക് ചെയ്ത് പങ്കുവെക്കുന്നത്. വീഡിയോയിൽ നന്ദുവിൻ്റെ ചേഷ്ടകൾ നടി ചാന്ദ്നിയുടേതായി നല്ല സാമ്യമുള്ളതായും സോഷ്യൽ മീഡിയയിൽ പലരും പറയുന്നു.