മാപ്പ് പറഞ്ഞ് കുഴങ്ങിയ ശോഭ സുരേന്ദ്രന് ട്രോൾ മഴ

ശബരിമല വിഷയത്തിൽ ഹൈക്കോടതിയുടെ രൂക്ഷവിമർശനം ഏറ്റുവാങ്ങിയ ബിജെപി നേതാവ് ശോഭ സുരേന്ദ്രന് സോഷ്യൽ മീഡിയയിൽ ട്രോൾമഴ. വില കുറഞ്ഞ പ്രശസ്തിക്കായി കോടതിയെ ഉപയോഗിക്കുന്നുവെന്നായിരുന്നു വിമർശനം. ശോഭാ സുരേന്ദ്രന്‍ 25000 രൂപ പിഴ അടയ്ക്കണമെന്ന് ആവശ്യപ്പെട്ട് ഹൈക്കോടതി ഹർജി തള്ളുകയായിരുന്നു.


ശബരിമലയിലെ പോലീസ് നടപടികള്‍ നീക്കണമെന്നാവശ്യമുന്നയിച്ചായിരുന്നു ശോഭയുടെ ഹർജി. പ്രതികളെ കോടതി കുറ്റവിമുക്തരാക്കിയ കേസുകളിൽ അന്വേഷണ ഉദ്യോഗസ്ഥര്‍ക്കെതിരെ നടപടിയെടുക്കണമെന്നും ഹർജിയിൽ ആവശ്യപ്പെട്ടിരുന്നു.


കോടതി വിമർശനം വന്നതോടെ തന്നെ ശോഭ സുരേന്ദ്രനെ പരിഹസിച്ച് കൊണ്ടുള്ള ട്രോളുകൾ സോഷ്യൽ മീഡിയയിൽ വൈറലായി തുടങ്ങി.


അതേ സമയം ഹൈക്കോടതി നിര്‍ദ്ദേശിച്ച പിഴയടക്കില്ലെന്നാണ് ശോഭാ സുരേന്ദ്രന്‍ പ്രതികരിച്ചത്. ഹൈക്കോടതിക്കു മുകളില്‍ കോടതിയുണ്ടെന്നും സുപ്രീംകോടതിയെ സമീപിക്കാനാണ് തന്‍റെ തീരുമാനെമന്നും അവർ പറഞ്ഞു.


ജയിലിൽ കഴിയുന്ന ബിജെപി നേതാവ് കെ.സുരേന്ദ്രനെതിരെയും ട്രോളുകൾ വരുന്നുണ്ട്.