ഒരാഴ്ച തുടർച്ചയായി ഫോൺ ഉപയോഗിച്ച യുവതിയുടെ കൈവിരലുകൾക്ക് സംഭവിച്ചത്!

ബീജിങ്: ഒരാഴ്ച തുടർച്ചയായി മൊബൈൽഫോൺ ഉപയോഗിച്ച യുവതിക്ക് കൈവിരലുകളുടെ ചലനശേഷി നഷ്ടമായെന്ന് റിപ്പോർട്ട്. ചൈനയിലെ ഹുനാൻ പ്രവിശ്യയിൽ ചാങ്ഷാ നഗരത്തിലാണ് സംഭവം ഉണ്ടായത്. ചൈനീസ് മാധ്യമങ്ങൾ തന്നെയാണ് വാർത്തകൾ പുറത്ത് വിട്ടത്.

യുവതിയുടെ പേരും മറ്റ് വിവരങ്ങളും പുറത്ത് വിട്ടിട്ടില്ല. കൈകളുടെ ചലനശേഷി നഷ്ടമായതോടെ യുവതി ആശുപത്രിയിൽ ചികിത്സ തേടി. ഒരാഴ്ച ജോലിയിൽ നിന്ന് ലീവ് എടുത്ത യുവതി ഈ സമയത്ത് തുടർച്ചയായി മൊബൈൽഫോൺ ഉപയോഗിച്ചിരുന്നു.

ഇതിന് ശേഷം ഒന്ന് രണ്ട് ദിവസങ്ങൾക്ക് ശേഷമാണ് ഇവർക്ക് കൈകളിൽ വേദന അനുഭവപ്പെട്ടത്. പിന്നീട് കൈകൾ ഫോൺ കയ്യിൽ പിടിക്കുന്ന രീതിയിൽ വളയുകയും ചലനശേഷി കുറയുകയും ചെയ്തു. വിരലുകൾ അനക്കാനും മടക്കാനും കഴിയാതെ വന്നതോടെ ആശുപത്രിയിൽ ചികിത്സ തേടി.

ഒരു പരിധിയലധികം സമയം വിരലുകൾ ചലിപ്പിക്കാതെ വയ്ക്കുമ്പോൾ അനുഭവപ്പെടുന്ന റ്റെനോസിനോവിറ്റിസാണ് യുവതിക്ക് ഉണ്ടായതെന്ന് ഡോക്ടർമാർ വ്യക്തമാക്കി. ചികിത്സയ്ക്ക് ശേഷം കൈകളുടെ ചലനശേഷി തിരികെ ലഭിച്ചു.