കോഴിയിറച്ചി കഴിച്ച് ഒന്നര ദിവസത്തിനുള്ളില്‍ വീട്ടമ്മ മരിച്ചു

ഗ്രീസ്: കോഴിയിറച്ചി കഴിച്ച് മുപ്പത്തിയാറു മണിക്കൂറിനുള്ളില്‍ വീട്ടമ്മ മരിച്ചു. പഴകിയ വേവിക്കാത്ത കോഴിയിറച്ചി കഴിച്ചതാണ് 37 കാരിയായ നതാലി എന്ന വീട്ടമ്മയുടെ അന്ത്യത്തിന് കാരണമായത്. ആശുപത്രിയില്‍ പ്രവേശിപ്പിക്കുമ്പോള്‍ ഇവരുടെ ശരീരം നിറയെ രക്തം കട്ട പിടിച്ചിരിക്കുകയായിരുന്നു.

പച്ച കോഴിയിറച്ചി കഴിക്കുന്നത് അത്ര സാധാരണമല്ലെങ്കിലും ഇത് മൂലം അധികം ആരോഗ്യപ്രശ്നങ്ങള്‍ ഒന്നും ഇതുവരെ റിപ്പോര്‍ട്ട് ചെയ്യപ്പെട്ടിട്ടില്ലായിരുന്നു.

കൂടെയുണ്ടായിരുന്ന ഭര്‍ത്താവും കുട്ടികളും പാസ്തയും ബ്രഡുമായിരുന്നു കഴിച്ചു കൊണ്ടിരുന്നത്. സാലഡ്, ചെമ്മീന്‍, വേവിക്കാത്ത കോഴിയിറച്ചി എന്നിവയാണ് ഇവര്‍ ഓര്‍ഡര്‍ ചെയ്തത്. ആദ്യം കൊണ്ടുവന്ന കോഴിയിറച്ചി മുറിച്ചപ്പോഴേക്കും അതില്‍ നിന്നും വന്ന രക്തം കാരണം ഇവര്‍ ഇറച്ചി മാറ്റി വാങ്ങി. ഇത് കഴിച്ചതാണ് അപകടത്തിനു കാരണമായത്.

നതാലി കഴിച്ച ഇറച്ചിയില്‍ രൂപപ്പെട്ട ഇ കോളി ബാക്ടീരിയയാണ് മരണത്തിനു കാരണമെന്നു ഡോക്ടര്‍മാര്‍ കരുതുന്നു.