പഠിക്കാൻ പണം വേണം, പിഎച്ച്ഡി വിദ്യാർഥി തട്ടുകട നടത്തുന്നു

സ്നേഹ ലിങ്കവോംകര്‍ മഹാരാഷ്ട്രക്കാരിയാണ്. തിരുവനന്തപുരം കേരള യൂണിവേഴ്‍സിറ്റിയില്‍ റിസര്‍ച്ച് ഫെല്ലോയും. രാത്രിയായല്‍ സ്നേഹ പിഎച്ച്‍ഡിയുടെ ഗൗരവമൊക്കെ മാറ്റിവെച്ച് കാര്യവട്ടത്തെ സ്വന്തം തട്ടുകടയില്‍ എത്തും.

ഭര്‍ത്താവ് പ്രേംശങ്കര്‍ മണ്ടലിനൊപ്പം നല്ല ചൂടുള്ള ആലൂ പറാത്തകള്‍ ഉണ്ടാക്കും. ടെക്നോപാര്‍ക്കിലെ ടെക്കികള്‍ക്ക് വിളമ്പും. സ്നേഹക്കും പ്രേമിനും നേരമ്പോക്കല്ല ഈ തട്ടുകട, ഇപ്പോള്‍ ജീവിതം തന്നെയാണ്.

മഹാരാഷ്ട്രക്കാരിയായ സ്നേഹ ഓര്‍ക്കുട്ടിലൂടെ പരിചയപ്പെട്ട പ്രേമിനെ വിവാഹം കഴിക്കാന്‍ വീട്ടുകാരെ ഉപേക്ഷിച്ചു. കേരളത്തില്‍ പിഎച്ച്ഡി പഠിക്കാന്‍ എത്തിയപ്പോള്‍ പണം കണ്ടെത്താന്‍ നിരവധി വഴികള്‍ തിരഞ്ഞു. അങ്ങനെയാണ് ഉരുളക്കിഴങ്ങ് പൊറോട്ടകള്‍ ഉണ്ടാക്കി വില്‍ക്കുന്നത്.

ഇപ്പോള്‍ നൂറുകണക്കിന് ടെക്കികള്‍ ഇവരുടെ ആലൂ പറാത്തകള്‍ക്ക് ക്യൂ നില്‍ക്കുകയാണ്. പഠനത്തിന് പണം കണ്ടെത്തി പിഎച്ച്ഡിയും വാങ്ങി, ജര്‍മ്മനിയിലേക്ക് പറക്കുകയാണ് സ്നേഹയുടെ ലക്ഷ്യം.

Woman studies by day and sells parathas by night to fund her PhD

Sneha Limbgaomkar, a PhD student at Kerala university is running a roadside eatery in Thriuvananthapuram, with the help of her husband Premshankar Mandal to fund her studies.