ലോകത്തിലെ ഏറ്റവും വലിയ വിമാനം പരീക്ഷണപ്പറക്കല് നടത്തി. രണ്ട് ഫ്യുസലേജുകളും ആറ് ബോയിങ് 747 എന്ജിനുകളുടെ കരുത്തുമുള്ള വിമാനം നിര്മ്മിച്ചിരിക്കുന്നത് സ്ട്രാറ്റോലോഞ്ച് എന്ന അമേരിക്കന് കമ്പനിയാണ്. കാലിഫോര്ണിയയിലെ മൊഹാവെ മരുഭൂമിയില് ആയിരുന്നു ആദ്യത്തെ പരീക്ഷണപ്പറക്കല്. ബഹിരാകാശത്തേക്ക് റോക്കറ്റുകളെ വഹിക്കാന് ശേഷിയുള്ള വിമാനം എന്ന നിലയ്ക്കാണ് ഇത് വികസിപ്പിച്ചിട്ടുള്ളത്. റോക്കറ്റുകളെ ബഹിരാകാശത്ത് നിന്ന് താഴേക്ക് ഇടാനും ശേഷം കൃത്രിമോപഗ്രഹങ്ങളെ ഭ്രമണപഥത്തില് എത്തിക്കാനുമുള്ള കഴിവ് ഈ വിമാനത്തിനുണ്ട്.
നിലവിലെ ഉപഗ്രഹ വിക്ഷേപണങ്ങള് പൂര്ണമായും ഉപേക്ഷിക്കാന് വിമാനം സഹായിക്കും. മറ്റു വിമാനങ്ങളുടെത് പോലെ റണ്വേ മാത്രമാകും ഇവയ്ക്ക് ആവശ്യം.
സ്കേല്ഡ് കോംപൊസൈറ്റ്സ് എന്ന എന്ജിനീയറിങ് കമ്പനിയാണ് വിമാനം രൂപകല്പ്പന ചെയ്തത്. ഒരു ഫുട്ബോള് മൈതാനത്തേക്കാള് വലിപ്പം വിമാനത്തിന്റെ ചിറകുകള്ക്കുണ്ട്. നിലവിലെ ഏറ്റവും വലിയ വിമാനങ്ങളില് ഒന്നായ എയര്ബസ് എ380 വിമാനത്തിന്റെ ചിറകിനെക്കാള് ഏതാണ്ട് ഒന്നരയിരട്ടി അധികം വലിപ്പമാണ് വിമാനത്തിനുള്ളത് - 117 മീറ്റര്.
രണ്ടര മണിക്കൂറോോളം വിമാനം പരീക്ഷണടിസ്ഥാനത്തില് പറന്നതായി സ്ട്രാറ്റോലോഞ്ച് അറിയിച്ചു. ഇതുവരെ നിലത്ത് മാത്രമാണ് വിമാനം ഉപയോഗിച്ചിരുന്നത്. മണിക്കൂറില് 304 കിലോമീറ്റര് ആണ് ഇതിന് പരമാവധി വേഗം. പരീക്ഷണത്തില് 17,000 അടി ഉയരവും വിമാനം തൊട്ടു.
വിഖ്യാത സോഫ്റ്റ് വെയര് കമ്പനി മൈക്രോസോഫ്റ്റ് സഹസ്ഥാപകന് പോള് അലന് ആണ് സ്ട്രാറ്റോലോഞ്ച് കമ്പനി സ്ഥാപിച്ചത്. ചെറിയ ഉപഗ്രഹങ്ങള് വിക്ഷേപിക്കുന്നതിനുള്ള കമ്പനിയായാണ് തുടക്കം. അലന് കഴിഞ്ഞ വര്ഷം ഒക്ടോബറില് അന്തരിച്ചതോടെ കമ്പനിയുടെ ഭാവിയെക്കുറിച്ച് ആശങ്കകളുണ്ടായിരുന്നു. ഇതിനിടയിലാണ് പുതിയ വഴിത്തിരിവ് ലോകത്തെ അറിയിച്ച് സ്ട്രാറ്റോലോഞ്ച് മുന്നോട്ടുവന്നത്.
നിലവിലെ ഉപഗ്രഹ വിക്ഷേപണങ്ങള് പൂര്ണമായും ഉപേക്ഷിക്കാന് വിമാനം സഹായിക്കും. മറ്റു വിമാനങ്ങളുടെത് പോലെ റണ്വേ മാത്രമാകും ഇവയ്ക്ക് ആവശ്യം.
സ്കേല്ഡ് കോംപൊസൈറ്റ്സ് എന്ന എന്ജിനീയറിങ് കമ്പനിയാണ് വിമാനം രൂപകല്പ്പന ചെയ്തത്. ഒരു ഫുട്ബോള് മൈതാനത്തേക്കാള് വലിപ്പം വിമാനത്തിന്റെ ചിറകുകള്ക്കുണ്ട്. നിലവിലെ ഏറ്റവും വലിയ വിമാനങ്ങളില് ഒന്നായ എയര്ബസ് എ380 വിമാനത്തിന്റെ ചിറകിനെക്കാള് ഏതാണ്ട് ഒന്നരയിരട്ടി അധികം വലിപ്പമാണ് വിമാനത്തിനുള്ളത് - 117 മീറ്റര്.
രണ്ടര മണിക്കൂറോോളം വിമാനം പരീക്ഷണടിസ്ഥാനത്തില് പറന്നതായി സ്ട്രാറ്റോലോഞ്ച് അറിയിച്ചു. ഇതുവരെ നിലത്ത് മാത്രമാണ് വിമാനം ഉപയോഗിച്ചിരുന്നത്. മണിക്കൂറില് 304 കിലോമീറ്റര് ആണ് ഇതിന് പരമാവധി വേഗം. പരീക്ഷണത്തില് 17,000 അടി ഉയരവും വിമാനം തൊട്ടു.
വിഖ്യാത സോഫ്റ്റ് വെയര് കമ്പനി മൈക്രോസോഫ്റ്റ് സഹസ്ഥാപകന് പോള് അലന് ആണ് സ്ട്രാറ്റോലോഞ്ച് കമ്പനി സ്ഥാപിച്ചത്. ചെറിയ ഉപഗ്രഹങ്ങള് വിക്ഷേപിക്കുന്നതിനുള്ള കമ്പനിയായാണ് തുടക്കം. അലന് കഴിഞ്ഞ വര്ഷം ഒക്ടോബറില് അന്തരിച്ചതോടെ കമ്പനിയുടെ ഭാവിയെക്കുറിച്ച് ആശങ്കകളുണ്ടായിരുന്നു. ഇതിനിടയിലാണ് പുതിയ വഴിത്തിരിവ് ലോകത്തെ അറിയിച്ച് സ്ട്രാറ്റോലോഞ്ച് മുന്നോട്ടുവന്നത്.