ലോകത്തെ ഏറ്റവും ഉയരം കുറഞ്ഞ ദമ്പതികൾ ഇവരാണ്...!!!

ലോക ഗിന്നസ് റെക്കോഡ്‍‍സ് ലോകത്തെ ഏറ്റവും ഉയരം കുറഞ്ഞ ദമ്പതികളായി പൗലോ ഗബ്രിയേലിനെയും കറ്റ്യൂഷിയയെയും അംഗീകരിച്ചു. എട്ടുവര്‍ഷം നീണ്ട പ്രണയത്തിനൊടുവില്‍ കഴിഞ്ഞ സെപ്തംബറിലാണ് പൗലോ ഗബ്രിയേലും കറ്റ്യൂഷിയയും വിവാഹിതരായത്. എന്നാൽ ഇരുവര്‍ക്കും ഏറ്റവും വലിയ വിവാഹ സമ്മാനം കിട്ടാൻ അല്‍പം താമസിച്ചു. ഇന്നലെയാണ് ലോക ഗിന്നസ് റെക്കോഡ്‍‍സ് ഇവരെ ലോകത്തിലെ ഏറ്റവും ചെറിയ ദമ്പതികളായി അംഗീകരിച്ചത്.



ഗിന്നസ് വേൾഡ് റെക്കോർഡ് ദിനത്തോടനുബന്ധിച്ച് ലണ്ടനിലെ ഗിന്നസ് വേൾഡ് റെക്കോർഡ്‌സിന്‍റെ ഹെഡ് ക്വാർട്ടേഴ്‌സിൽ ഇരുവരും എത്തി. പൗലോക്ക് 31ഉം കറ്റ്യൂഷിയക്ക് 28ഉം ആണ് പ്രായം. പൗലോയുടെ പൊക്കം 35.54 ഇഞ്ചും കറ്റ്യൂഷിയയുടെ പൊക്കം 35.54 ഇഞ്ചുമാണ്.



ഓർക്കൂട്ടിലൂടെയാണ് പൗലോയും കറ്റിയൂസിയയും ആദ്യം പരിചയപ്പെടുന്നത്. ആദ്യം കണ്ടപ്പോൾ തന്നെ പൗലോയ്ക്ക് കറ്റ്യൂഷിയയെ ഇഷ്ടമായി. പക്ഷേ കറ്റ്യൂഷിയയ്ക്ക് തിരിച്ച് ആ ഇഷ്ടം തോന്നിയില്ലെന്ന് മാത്രമല്ല പൗലോയെ ബ്ലോക്ക് ചെയ്യുകയും ചെയ്തു. എന്നാൽ പിന്നീടെപ്പോഴോ ഇരുവരും ഒന്നിച്ചു. 2008 ഡിസംബർ 20 നാണ് അവർ തമ്മിൽ ആദ്യമായി കാണുന്നത്. ഡിസംബർ 29 മുതൽ ഡേറ്റിങ്ങ് തുടങ്ങിയ ഇവർ എട്ട് വർഷം നീണ്ട പ്രണയത്തിന് ശേഷമാണ് വിവാഹിതരായത്.









World's Shortest Couple Gets The Rings, Then The Record