മനസ്സിൽ നിന്നു മായില്ല അഞ്ചുവയസ്സുകാരി സോറയുടെ കണ്ണീർ

സോറ, ശ്രീനഗറിൽ കഴിഞ്ഞദിവസം കൊല്ലപ്പെട്ട അസി.സബ് ഇൻസ്പെക്ടർ അബ്ദുൾ റഷീദ് ഷാ(55) യുടെ അഞ്ചുവയസ്സുകാരി മകൾ. കുഞ്ഞായിരുന്നപ്പോഴാണ് അബ്ദുൾ റഷീദ് സോറയെ ദത്തെടുത്തത്. തിങ്കളാഴ്ച അനത്നാഗ് ജില്ലയിൽ വഴിയോരത്ത് തീവ്രവാദികളാൽ അബ്ദുൾ റഷീദ് വെടിയേറ്റുവീഴുമ്പോൾ അവൾ സ്കൂളിലായിരുന്നു. അച്ഛന്റെ മരണം സംഭവിച്ചതോടെ സ്കൂളിൽ നിന്ന് അവളെ വീട്ടിലെത്തിച്ചു. ശവസംസ്കാരകർമ്മത്തിനിടെ മൃതദേഹം അടക്കം ചെയ്ത ശവമഞ്ചത്തിനരികെ സമീപത്തായി അച്ഛന്‍റെ വലിയ ചിത്രം വച്ചിരിക്കുന്നത് കണ്ടതോടെ അവൾക്ക് തന്‍റെ കരച്ചിലടക്കാനായില്ല.
രണ്ടുനാൾ മുമ്പ് അടുത്തവീട്ടിൽ നടന്ന വിവാഹചടങ്ങിനിടെ കയ്യിലവൾ മൈലാഞ്ചി ഇട്ടിരുന്നു. മൈലാഞ്ചി കൈയുയർത്തി കണ്ണീർതുടച്ചുകൊണ്ടുള്ള അവളുടെ ചിത്രം ദേശീയ മാധ്യമങ്ങൾ പകർത്തിയെടുത്തു. സൗത്ത് കശ്മീർ‍ ഡിഐജി ഈ ചിത്രം തന്‍റെ ട്വിറ്റർ അക്കൗണ്ടിലൂടെ പങ്കുവെച്ചതോടെ സാമൂഹ്യമാധ്യമങ്ങളിലൂടെ ഏവരുടേയും മനസ്സുടക്കുന്നതായിമാറി. നിന്‍റെ കണ്ണീർ ഞങ്ങളുടെ ചങ്കുലയ്ക്കുന്നുവെന്ന് പറഞ്ഞാണ് അദ്ദേഹം ഇത് പങ്കുവെച്ചത്. തീവ്രവാദത്തിനെതിരെയുള്ള സന്ദേശമായി സോറയും അവളുടെ കണ്ണീർ ചിത്രവും ലോകം കീഴടക്കുകയാണ്.


Zora's tears sear the heart.Her father,ASI Rashid's sacrifice will live on forever in our hearts.@JmuKmrPolice pic.twitter.com/VRGEoXapVl — DIG OF POLICE SKR (@DigSkr) August 28, 2017 Your tears sear our hearts: DIG to Zohra

Your tears have shaken many hearts: DIG writes to slain ASI's daughter.