തന്‍റെ വിജയത്തിന് പിന്നില്‍ സിവയെന്ന് ഹാര്‍ദ്ദിക് പാണ്ഡ്യ

ടി20 മത്സരത്തിലെ വിജയത്തിന്‍റെ രഹസ്യം വെളിപ്പെടുത്തി ഹാര്‍ദ്ദിക് പാണ്ഡ്യ. കഴിഞ്ഞ മത്സരത്തില്‍ ടീം കരസ്ഥമാക്കിയ മികച്ച വിജയവും, വെറും പത്ത് പന്തില്‍ നിന്ന് 32 റണ്‍സ് നേടിയ ഹാര്‍ദ്ദിക് പാണ്ഡ്യയുടെ പ്രകടനവും ഏറെ ജനശ്രദ്ധ നേടിയിരുന്നു.

ഈ അവസരത്തിൽ എന്താണ് വിജയ രഹസ്യത്തിന് പിന്നിൽ എന്ന ചോദ്യത്തിന് ഉത്തരം നൽകിയിരിക്കുകയാണ് താരം. ഇന്‍സ്റ്റഗ്രാം അക്കൗണ്ടിലൂടെയാണ് ഹാര്‍ദ്ദിക് പാണ്ഡ്യ ഇക്കാര്യം വെളിപ്പെടുത്തിയത്. ധോണിയുടെ മകൾ സിവ ‘കമോണ്‍ ഹാര്‍ദ്ദിക്’ എന്ന് പറയുന്ന വീഡിയോ ആണ് ഹാര്‍ദ്ദിക് ഉത്തരമായി പങ്കുവച്ചത്. ധോണിയുടെ ഭാര്യ സാക്ഷി ധോണിയാണ് സിവയുടെ വീഡിയോ പകര്‍ത്തിയത്.

‘എനിക്ക് തോന്നുന്നു ഞാന്‍ എന്‍റെ ചിയര്‍ലീഡറെ കണ്ടെത്തിയെന്ന്’ എന്ന കുറിപ്പോടെയാണ് ഹാര്‍ദ്ദിക് വീഡിയോ പങ്കുവച്ചത്. ഈ വീഡിയോ ഇപ്പോൾ സാമൂഹ്യ മാധ്യമങ്ങളിൽ വൈറലാവുകയാണ്.